يكتبها نيابة عنه: محمد بلغازي
ما خلاو حتى شي واحد يتصنت لعضامو ..زعمة لي حمار ماشي من حقو يرتاح ؟ شااااعلة ..ونااايضة ..وكلشي محيح والصداع فين ما درتي فالفيسبوك على واحد الفيديو نشرو واحد صاحبي فيه شي كائنات المفروض أنهم حتى هوما صحابي ..كلها يلغي بلغاه ..وشي كايسب شي والناس تالفين ..شي مع هاذا وشي مع لاخور وشي كايتفرج وشي كايضحك عليهوم بجوج.
وفالحقيقة حتى أنا ما عجبنيش الحال ..واخا أنا غير حمار ولكن كانحتارم المهنة ديالي وكايبقى فيا الحال ملي كايدابزو مالين الدار وكايبداو شي يفضح شي.
وفالحقيقة عاوتاني خاص لقلوما يرجعو للمقلمة لي كاينة فمدينة العرفان وناخدو موقف واضح وصارم من هاد ركوب لهبال وننساو كل ما فات الا أي حاجة فيها فساد أو تجاوز.
وأختم كالعادة بركلة إعلامية مفادها : أفضل أن أكون حمرا صحفيا على أن أكون صحفيا حمارا .
